काभ्रे : पाँचखाल नगरपालिका- ४ हेलम्बु राजमार्गमा ट्रक र मोटरसाइकल ठोकिदा एकजनाको मृत्यु भएको छ। मण्डनदेउपुरबाट पाँचखालतर्फ आउँदै गरेको बा ३ ख ९९९२ नम्बरको निसान मिनि ट्रकसँग मण्डनदेउपुरतर्फ जाँदै गरेको बा ४६ प १५३६ नम्बरको मोटरसाइकल ठोकिदा मोटरसाइकल चालकको मृत्यु भएको प्रहरीले जनाएको छ।
ट्रकसँग मोटरसाइकल ठोकिदा पाँचखाल नगरपालिका ४ बस्ने संजीव श्रेष्ठको मृत्यु भएको जिल्ला प्रहरी कार्यालय प्रमुख एसपी जयराज सापकोटाले बताए। मोटरसाइकलमा ३ जना सवार रहेको र चालक श्रेष्ठको धुलिखेल अस्पताल उपचारको क्रममै बिहान ११ बजे मृत्यु भएको सापकोटाले जानकारी दिए।
घाइते मण्डनदेउपुर नगरपालिका ११ सदिप थापा र पाँचखाल ४ अभिषेक खनालको धुलिखेल अस्पतालमा उपचार भइरहेको प्रहरीले जनाएको छ।घटनाको विषयमा पाँचखाल चौकीबाट प्रहरी खटाई थप अनुसन्धान भइरहेको जिल्ला प्रहरी कार्यालयले जनाएको छ।
प्रतिक्रिया दिनुहोस !
