धनकुटा : बिहिबार रातिबाट भएको अविरल वर्षाका कारण बर्जुवा खोलामा आएको बाढीले कोशी राजमार्गअन्तर्गत धरान-धनकुटा सडकखण्ड अवरुद्ध भएको छ । शुक्रबार बिहान लगभग ४ बजे पहिरो गएर सडक अवरुद्ध भएको जिल्ला ट्राफिक प्रहरी प्रशासन कार्यलय धनकुटाका प्रमुख सुरेन्द्र खड्काले जानकारी दिए ।
सडक अवरुद्ध हुँदा तेह्रथुम, धनकुटा, संखुवासभा, भोजपुरका लागि हिंडेका कयौं सवारीसाधन बाटोमा नै अलपत्र परेका छन् । स्क्राभेटरको माध्यमले पहिरो हटाएर वान वे बाटो खुलाउने कार्य भइरहेको खड्काले बताए ।
हिजो रातिबाट आएको वर्षाको कारणले कोशी राजमार्गका १ दर्जनभन्दा बढी स्थानमा पहिरो खसेको छ । रुद्रबारी, गुठीटार, जिरोप्वाइन्ट लगायतका दर्जनौं स्थानमा पहिरो गएको ट्राफि प्रहरी प्रमुख खड्काले बताए ।
प्रतिक्रिया दिनुहोस !
