स्याङ्जा : बिरुवा गाउँपालिका ६ चिन्नेवासमा स्थित बाख्राको खोरमा बिहीबार साँझ आगलागी हुँदा २० वटा बाख्रा मरेका छन्। रामबहादुर थापा मगरको आधुनिक बाख्रा खोरमा लागलागी हुँदा खोरभित्र रहेका बाख्राहरु जलेर मरेका हुन्। आगलागीबाट खोरमा पनि क्षति पुगेको प्रहरी नायब उपरीक्षक नविनकृष्ण भण्डारीले जानकारी दिए।
आगलागी भएको खबर पाउनासाथ प्रहरी र स्थानीयबासीको पहलमा आगो निभाइएको थियो। आगलागीबाट ३ लाख ८२ हजार बराबरको क्षति पुगेको र आगलागीका कारण बारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
