अवैध कुखुरा ओसारपसार गर्ने दुईजना प्रहरी नियन्त्रणमा
साउन १०, २०७६ शुक्रबार १५:५०:०
धनगढी : कैलाली प्रहरीले भारतबाट अवैधरुपमा कुखुरा ओसारपसार गर्ने दुईजनालाई पक्राउ गरेको छ। जिल्ला प्रहरी कार्यालयबाट खटिएको प्रहरी टोलीले धनगढी उपमहानगरपालिका-७ बाट अवैध कुखुरासहित दुईजनालाई पक्राउ गरिएको हो ।
जिल्ला प्रहरी कार्यालयका प्रहरी नायव उपरीक्षक दक्षकुमार बस्नेतले भारतबाट कुखुरा ओसारपसार गर्ने धनगढी उपमहानगरपालिका-९ का राजेन्द्र साहु र बाजुरा त्रिवेणी नगरपालिका-३ स्थायी बसोबास भई धनगढी बस्दै आएका ईश्वर भण्डारीलाई पक्राउ गरिएको उनले जानकारी दिए।
उनीले से १ प ५३१४ र से २ प १६३६ नम्बरको मोटरटइकलमा भारतबाट एक सय ६५ किलो बराबरको अवैध कुखुरासहित नियन्त्रणमा लिइएको बस्नेतले बताए। बरामद् कुखुरा पशु क्वारेन्टाइन, कुखुरा व्यवसायी संघ र स्थानीयको रहोबरमा नष्ट गरिएको र ओसारपसारमा संलग्न दुवै जनाविरुद्ध मुद्दा दर्ता गरी अनुसन्धान भइरहेको प्रहरीले जाकारी दिएको छ।
प्रतिक्रिया दिनुहोस !
