हेटौंडा : नेपाली कांग्रेस प्रदेश–३ का प्रदेशसभा सदस्यले आफ्नो पाँच दिनको पारिश्रमिक दिएका छन्। मुख्यमन्त्री डोरमणि पौडेललाई २१ कांग्रेसका प्रदेशसभा सदस्यको ५ दिनको पारिश्रमिक एक लाख ६० हजार रुपैयाँको चेक आइतबार हस्तान्तरण गरिएको हो।
रकम प्रदेश विपद व्यवस्थापनमा कोषमा जम्मा गरिने मुख्यमन्त्री कार्यालयले जनाएको छ। नेपाली कांग्रेसले ३ नम्बर प्रदेश सरकारले बाढी र पहिरोबाट मृत्यु भएका परिवारलाई राहत एक लाख रुपैयाँ उपलब्ध गराउने भनेकोमा ३ लाख रुपैयाँ उपलब्ध गराउन माग गरेको छ।
'‘प्रदेश सरकारले दिने १ लाख रुपैयाँ न्युन भएकाले ३ लाख रुपैयाँसम्म नगद उपलब्ध गराउन माग गर्दछौं’, नेपाली कांग्रेस ३ नम्बर प्रदेश संसदीय दलकी पमुख सचेतक राधा घलेले भनिन्, ‘बाढीपहिरो र डुवानका कारण पूर्ण र आंशिक क्षति भएका परिवारलाई तत्काल राहत, पुर्नस्थापनाको व्यवस्था गर्न पनि सरकारको ध्यानाकर्षण गराएका छौं।’
प्रतिक्रिया दिनुहोस !
