नेपालगन्ज : खजुरा गाउँपालिकाको इलाका प्रहरी कार्यालय धनौलीको हिरासतबाट फरार भएका तीन अभियुक्त पक्राउ परेका छन्। जिल्ला प्रहरी कार्यालय बाँके प्रवत्ता डीएसपी प्रकाश सापकोटाका अनुसार २८ असारमा हिरासत कक्षको भेन्टिलेसन तोडी निर्मल थापा, उज्जवल कार्की र सिमोन विक भागेका थिए।
सार्वजनिक शान्तिविरूद्धको कसुरमा प्रतिवादी थापा र कार्कीलाई ४ साउनमै नेपालगन्ज १५ जमुनाहाबाट पक्राउ गरिएको थियो भने लागू औषधि ब्राउन सुगरका प्रतिवादी विकलाई मंगलबार पक्राउ गरिएको हो।
त्यसैगरी चोरी मुद्दामा जिल्ला अदालत बाँकेबाट एक महिना कैद र ३५ हजार रुपैयाँ जरिवाना फैसला भए पनि फरार रहेका बाँकेको बैजनाथ गाउँपालिका ५ का अरूण थारुलाई पनि बाँके प्रहरीले मंगलबार पक्राउ गरी जिल्ला अदालत बाँकेमा बुझाएको छ।
प्रतिक्रिया दिनुहोस !
