झापा : जिल्ला प्रहरी कार्यालय झापाले भद्रपुर विमानस्थलबाट गोलीसहित एकजनालाई नियन्त्रणमा लिएको छ। बिहीबार दिउँसो १:३० बजे सौर्य एयरलाइन्सबाट काठमाडौंको लागि हिँडेका इलामका सुरेश राई बिमानस्थलमा जेकचाँचका क्रममा पक्राउ परेका हुन्।
इलाम सुर्योदय नगरपालिका-४ श्रीअन्तु घर भएका ३८ वर्षीय सुरेश राईलाई गोलीसहित नियन्त्रणमा लिएको जिल्ला प्रहरी कार्यालय झापाका प्रहरी नायव उपरीक्षक महेन्द्रकुमार श्रेष्ठले जानकारी दिए।
थ्रीनट थ्री राइफलमा प्रयोग हुने १ थान गोलीसहित पक्राउ परेका राईलाई उनले के प्रयोजनका लागि गोली बोकेर हिँडेका हुन् भन्ने बारे जिल्ला प्रहरी कार्यालयले अनुसन्धान थालेको प्रवक्ता श्रेष्ठले जानकारी दिए।
प्रतिक्रिया दिनुहोस !
१
