बैतडी : बैतडीमा विप्लव समूहका एक कार्यकर्तालाई प्रहरीले पक्राउ गरेको छ ।
पुर्चौडी नगरपालिका–३ सल्लेबनका ४६ वर्षीय नैनसिंह धामीलाई उनकै घरबाट आइतबार प्रहरीले पक्राउ गरी हिरासतमा राखेको बैतडीका प्रहरी प्रवक्ता, प्रहरी निरीक्षक दीपक पातललीले जानकारी दिए ।
धामी विप्लव समूहका गाउँ कमिटी सदस्य रहेको बताइएको छ । उनलाई जिल्ला अदालत बैतडीबाट सोमबार म्याद थप गरी अनुसन्धान भइरहेको प्रहरीले जनाएको छ ।
साथै उनलाई तालाबन्दी र चन्दाअसुलीमा समेत संलग्न रहेको अभियोग छ । प्रहरीले उनीमाथि अनुसन्धान सुरु गरेको जनाएको छ । बैतडी प्रहरीले पछिल्लो समय विप्लवका नेता कार्यकर्तालाई पक्राउ गरिरहेको छ । यसअघि असार २३ गते पनि प्रहरीले पाटन नगरपालिका १० हतास घर भइ विप्लवका युवा विद्यार्थी संगठनका केन्द्रीय सदस्य श्यामप्रसाद भट्टलाई पनि पक्राउ गरेको थियो ।
प्रतिक्रिया दिनुहोस !
