काठमाडौं : नेपालका लागि टाटा मोटर्सको एक मात्र आधिकारिक बिक्रेता सिप्रदी ट्रेडिङले कार मेला सम्पन्न गरेको छ। काठमाडौंस्थित थापाथली टाटा मोटर्सको शोरुममा मेला भव्यताका साथ सम्पन्न गरेको हो।उक्त मेला ४ दिन सम्म चलेको थियो ।
यसअघि पनि सिप्रदी ट्रेडिङ्गले टाटा कार मेलाको आयोजना गर्दै आएको थियो।यो मेलाको छैठौं संस्करण हो। मेलामा ग्राहकले विभिन्न अफर र विशेष छुटको लाभ लिएका थिए।
कार्यक्रमले सुस्ताइरहेको अटोमोबाइल बजारलाई जागरुक बनाएको नेपालका लागि टाटा मोटर्स लिमिटेडका कन्ट्री म्यानेजर अजित नारायण सिंहले बताए।१ हजार भन्दा बढी ग्राहकले मेला अवलोकन गरेका थिए।
मेलामा अन्तराष्ट्रियस्तरका उत्पादन र सेवा उपलब्ध गराई ग्राहकलाई पूर्णरुपमा सन्तुष्टि र लाभ दिएको सिप्रदी ट्रेडिङका प्रमुख कार्यकारी अधिकृत राजनबाबु श्रेष्ठले बताए।मेलामा विभिन्न मोडलका १०३ थान गाडी बुकिङ भएको कम्पनीले जनाएको छ।
प्रतिक्रिया दिनुहोस !
