काठमाडौं : भारतले कश्मीरको विशेषाधिकार खारेज गरिदिएसँगै कश्मीरका जनताबारे विभिन्न समाचार आए ।
परिवार र आफन्तको चिन्तामा रहँदै नेपालमै बसिरहेका कश्मीरीबारे पनि केही समाचार आए । यस्तैमा स्पटलाईटनेपाल नामको अंग्रेजी भाषाकाे अनलाईनले कश्मीरमा रहँदैआएका गोर्खाजबारे रिपोर्ट तयार पारेको छ ।
उक्त अनलाईनमा सोमबार प्रकाशन भएको समाचार अनुसार जम्मु–कश्मीरमा रहेका नेपालीभाषी भारत सरकारको निर्णयबाट खुसी छन् । कार्गिल युद्ध, भारत–चीन युद्ध सहित विभिन्न समयमा भारतीय सेनाको तर्फबाट लडाइँ गर्न गएका नेपाली युवाका सन्तान अहिले पनि जम्मु–कश्मीरमा बस्दैआएका छन् ।
यसरी उक्त क्षेत्रमा हजारौँको संख्यामा नेपाली समुदाय रहँदैआएका छन् । १ सय वर्षदेखि रहँदैआए पनि घर–जग्गा बनाउन नपाएका उनीहरुले सरकारको पछिल्लो निर्णयसँगै घर बनाउन पाउने हुँदा खुसीयाली मनाएका हुन् । कतिपयले त प्रधानमन्त्री नरेन्द्र मोदीलाई आफ्नो सपना पूरा गरिदिएकोमा धन्यवाद दिएका छन् ।
प्रतिक्रिया दिनुहोस !
