धनगढी : धनगढीमा चार थान पेस्तोलसहित तीनजना पक्राउ परेका छन् । प्रहरीको केन्द्रीय अनुसन्धान व्युरोसहित जिल्ला प्रहरी कार्यालय कैलालीको टोलिले धनगढी उप-महानगरपालिका-३ चटकपुरमा एक घरबाट चार थान पेस्तोल, सुनका गहनासहित तीनजनालाई पक्राउ गरेको हो।
पक्राउ पर्नेमा धनगढी उपमहानगरपालिका-६ मटियारीका सञ्जय राणा भनिने सञ्जय राना, र मटियारीकी कमल विक र वडा नम्बर ३ का रुद्रप्रसाद अधिकारी रहेको प्रहरीले जनाएको छ।
प्रहरीले उनीहरुबाट चार थान पेस्तोल, सुनका गहना, तमसुक र राष्ट्र बैंकका नक्कली कागजात बरामद गरेको छ। जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले पक्राउ परेका व्यक्तिको विस्तृत जानकारी पत्रकार सम्मेलनमार्फत सार्वजनिक गर्ने बताए।
प्रतिक्रिया दिनुहोस !
