काठमाडौँमा इन्टर कलेज फुटसल हुँदै, विजेतालाई डेढलाखको टुर प्याकेज
भदौ २६, २०७६ बिहीबार १५:२३:०
काठमाडौँ : 'प्ले नेपाल'को आयोजनामा काठमाडौंमा इन्टर कलेज फुटसल प्रतियोगिता हुँदैछ ।
भदौ २७ गते हुने एकदिने फुटसल प्रतियोगितामा काठमाडौंका ३२ कलेज सहभगी हुँदैछन् । प्रतियोगितामा 'प्लस टु'देखि स्नात्तकोतर सम्मका विद्यार्थीले आफ्नो क्षमता देखाउन पाउनेछन् ।
विजेता टिमलाई एक लाख पचास हजार बराबरको टुर प्याकेज प्रदान गरिने आयोजकले बताएको छ । जसमा स्काइ बर्ड प्याराग्लाइडिङको तर्फबाट पाराग्लाइडिङ सहित काठमाडौँ पोखरा दुईतर्फी यातायात र खाने-बस्ने सुविधा छ ।
यस्तै रनरअप टिमले ५० हजार बराबरको धुलिखेल जिपलाइनको प्याकेज प्राप्त गर्ने छन् । उत्कृष्ट गोलरक्षक र उत्कृष्ट खेलाडीलाई विशेष प्याकेज पुरस्कार रहेको प्रतियोगिता संयोजक प्रकाश बस्नेतले बताए । धन्यन्तरी फुटसल हाँडीगाँउमा हुने प्रतियोगिता प्ले नेपालले हरेक वर्ष गर्दैआएको फुटसलको पाँचौ संस्करण हो ।
प्रतिक्रिया दिनुहोस !
