जाजरकोट : पहिरोले पुरिएर जाजरकोटमा एक युवकको मृत्यु भएको छ । छेडागाड नगरपालिका ६ सुवानाउली निवासी १८ वर्षीय खडगबहादुर रावतको बिहीबार राति पहिरोले पुरेर मृत्यु भएको प्रहरीले जनाएको छ ।
सुवानाउलीस्थित एक स्थानीयको घरमा धामीझाँक्री हेराएर फर्कने क्रममा राति एक बजेको समयमा बड्ढुंगा पसिल भन्ने ठाउँमा आएको पहिरोले उनलाई पुरेको हो ।
सँगै गएका निमबहादुर रावत भने घाइते भएका छन् । उनको टाउकोमा चोट लागेको छ । उनको स्थानीय सुवानाउली स्वास्थ्य चौकीमा उपचार भइरहेको प्रहरी नायव उपरीक्षक श्यामबहादुर खत्रीले बताए ।
घटनास्थल सदरमुकाम खलंगाबाट पैदल दुई दिन टाढा छ । घटनास्थलमा संचार सुविधा नभएकाले केही समय ढिलो गरी खबर आएको प्रहरीले जनाएको छ।
प्रतिक्रिया दिनुहोस !
