जोमसोम : हिमालपारीको जिल्ला मुस्ताङको जोमसोममा आइतबार वृहत कृषि मेला प्रर्दशनी भएको छ । ४९ औं थाक खेलकुद च्याम्पियन रनिङसिल्ड प्रतियोगिताको अवसरमा घरपझोङ गाउँपालिकाले कृषि मेला प्रदर्शनी आयोजना गरेको हो ।
कृषि मेला प्रर्दशनीमा मुस्ताङका ३ स्थानीय तहका १ सय ५९ जना कृषकले सहभागिता जनाएको कृषि मेला प्रर्दशनी व्यवस्थापन समितिका सचिव आइतप्रसाद थकालीले जानकारी दिए ।
गाउँपालिकाले प्रतियोगिताका रुपमा मेला आयोजना गरेको तुलाचनले बताए । उनका अनुसार कृषि मेलामा स्थानीय किसानले उत्पादन गरेका फलफूल तथा तरकारी , मसलाबाली तथा अन्यवाली गरी ९ औं विधामा कृषि उपजको प्रर्दशनी भएको हो ।
प्रर्दशनीमा फलफूलतर्फ मुस्ताङको मुख्य उत्पादन स्याउबाली तथा अन्यबाली फलफूलबाली , आलु बाली , दाल बाली ,विविध बाली, लहरे बाली र तरकारी बालीलगायतको प्रर्दशनी भएको सचिव थकालीले जानकारी दिए ।
यसअघि कृषि मेला प्रर्दशनीको मुस्ताङका संघीय सांसद प्रेमप्रसाद तुलाचनले उद्घाटन गरे । सांसद थकालीले मुस्ताङको स्थानीय उत्पादनको बजारिकण तथा यसको प्रवर्द्धनमा जोड दिने बताए ।
उनले मुस्ताङ जिल्ला कृषि तथा पशुपालन व्यवसायको प्रचुर संम्भावना भएकाले खेर गइरहेका खाली जमिनमा सामुदायिक खेति गर्न पहल गर्ने जनाए । कृषि व्यवसायले नै आर्थिक समृद्धी दरिलो हुने उल्लेख गर्दै यहाँको पर्यावरणीय नेचर संरक्षणमा समेत योगदान पुग्ने बताए ।
कार्यक्रम सांसदहरु, ५ वटै स्थानीय तहका जनप्रतिनिधि, प्रमुख जिल्ला अधिकारीको उपस्थिति रह्यो। कृषि मेलामा सहभागी उत्कृष्ट किसानलाई मंगलबार पुरस्कृत गरिने घरपझोङ गाउँपालिकाले जनाएको छ ।
प्रतिक्रिया दिनुहोस !
