परासी : ट्याक्टर चोरी गरेको आरोपमा जिल्ला प्रहरी कार्यालय पश्चिम नवलपरासीले एकजनालाई पक्राउ गरेको छ । पक्राउ पर्नेमा रामग्राम नगरपालिका-१ सहुवाटिकरका जीतेन्द्र मिश्र रहेको जिल्ला प्रहरी प्रवक्ता नायब उपरीक्षक बिरेन्द्र थापाले जानकारी दिए ।
मिश्रले गत भदौ ३१ गते सुनवल नगरपालिका-१२ हरकट्टाकी सुमित्रा यादवको लु २ त ३२१४ नं. को ट्याक्टर घरबाटै चोरी गरेका थिए । ट्याक्टर चोरीपछि मिश्रले सीमावर्ती भारतीय बजारमा १ लाख नेपालीमा बिक्री गर्ने योजना बनाएका थिए ।
बिक्रीका लागि लग्दै गरेको अवस्थामा पाल्हीनन्दन गाउँपालिकाको महेशपुर चोकबाट आइतबार साँझ ट्याक्टरसहित मिश्रलाई पक्राउ गरिएको प्रहरीले जनाएको छ । उनलाई चोरी मुद्दामा कारबाही प्रक्रिया अघि बढाइएको छ ।
प्रतिक्रिया दिनुहोस !
