सिरहा : सेल्फी फोटो खिच्न पुगेका एक युवक सिरहा नगरपालिका ६ बसपिटास्थित कमला नदीमा बेपत्ता भएका छन् । उनको खोजी कार्य प्रहरी प्रशासनले तीव्र पारेको छ। खोजी कार्यका लागि सशस्त्र प्रहरी ‘रबर बोट’ प्रयोग गरिएको छ ।
बुधबार साँझ साथीसँगै सेल्फी लिन कमला नदीको किनारमा सोही नगरपालिका ८ महिसोथाका १५ वर्षीय टुकराजमणि यादव पुगेका थिए । उनी फोटो खिच्दाखिच्दै किनारबाट नदीमा खसेका हुन् ।
उनी अहिलेसम्म नदीमै बेपत्ता भएका छन् । ‘सूचना पाउनासथा खोजी कार्यका लागि प्रहरी परिचालन गरिएको छ’, सिरहाका एसपी उमाप्रसाद चतुर्वेदीले भने, ‘अहिलेसम्म उनी भेटिएका छैनन् ।’ नेपाल प्रहरी, सशस्त्र प्रहरी र रेडक्रसका टोली खोजी कार्यमा लागेको उनले बताए ।
प्रतिक्रिया दिनुहोस !
