मलंगवा : नजिकिँदै गरेको चाडपर्वलाई लक्षित गर्दै प्रहरी प्रशासनले सीमा सुरक्षाको चेकजाँचमा कडाई गरेको छ । जिल्लाको विभिन्न नाकाहुँदै चाडपर्वको समयमा तस्करी बढ्दै गएपछि प्रहरीले सीमापारिबाट आउने र सीमापारि जाने सवारी साधनको चेकजाँचमा कडाई गरेको छ ।
तस्करले प्रहरी प्रशासनलाई छलेर भारतबाट नेपाल र नेपालबाट भारततर्फ सामान तस्करी गर्न थालेपछि देखाएपछि प्रहरीले प्रशासनले चेकजाँचमा कडाई गरेका छन्। चाडपर्वको समयमा बढी तस्करी हुनेभएपछि चेकजाँच कडाई गरिएको जिल्ला प्रहरी कार्यालय सर्लाहीले जनाएको छ।
चाडपर्वको समयमा राजमार्ग छेउछाउमा हुने अपराधिक गतिविधिलाई नियन्त्रण गर्नका लागि विशेष सुरक्षा गस्ती परिचालन गरेको प्रहरी उपरीक्षक भट्टराईले जानकारी दिए । त्यसैगरी कालोबजारी रोक्नका लागि नियमित अनुगमन समेत गरिने थालेको छ। औषधि पसल, तरकारी बजार र किराना पसलमा विशेष अनुगमन हुँदै आएको छ । 
प्रतिक्रिया दिनुहोस !
