मानेभञ्याङ : बेटी पढाउ, बेटी बचाउ भन्ने नारासहित सिमावर्ती भारतको मानेभञ्ज्याङमा भदौ २९ देखि सुरु भएको पाँचौ अन्तर्राष्ट्रिय आमन्त्रण मानेभञ्ज्याङ गोल्डकप फुटबल प्रतियोगिताको उपाधी झापा ११ले हात पारेको छ ।
भारतको १०७ टिए र नेपालको झापा ११ बीच बुधबार भएको खेलमा झापाली टिएलाई ३-० को अन्तरले पराजीत गर्दै उपाधी हात पारेको हो । खेलको पहिलो हार्फमा कुनै गोल नभएपछि निक्कै आक्रमका बनेको झापाको तर्फबाट संजोग राईले खेलको ४३ मिनेटमा पहिलो गोल गरेका थिए ।
त्यसलगतै झापाकै रिजन माझिले ४७ मिनेटमा र निसान्तराईले ५० मिनेटमा गोल गरेर झापालाई उपाधी दिलाएका हुन् । मानेभञ्ज्याङ फुटबल क्लबको आयोजना हुन लागेको प्रतियोगितामा २२ वटा टीमको सहभागीता रहेको आयोजक समितिका सचिव चन्दन प्रधानले बताए ।
गान्धी जयन्तीको अवसर पारेर सुरु भएको प्रतियोगितामा नेपालका ६ टिम सहित भुटान र भारतका विभिन्न क्लबका टिमहरुको सहभागीता रहेको आयोजक समितिका अध्यक्ष टासी छिरिङ भोटीयाले बताए ।
मानेभञ्ज्याङको खेलमैदानमा भएको प्रतियोगिताको विजेताले ३ लाख २० हजार, उप विजेताले १ लाख ६० हजार र तेस्रो हुनेलाई ४० हजार नगद पाएका छन् । पछिल्लो समयमा नेपाल र भारतमा बालबालीका जोखिममा परेको भन्दै सर्वत्र चिन्ता बढिरहेको समयमा उनीहरुको संरक्षणका लागि जनमत तयार गर्न फुटबलको आयोजना गरेको अध्यक्ष भोटीयाले बताए ।
प्रतियोगिता हुने स्थान भारत भएपनि अधिकांश नेपाली मुलका बासीन्दा बसोबास गर्दछन् । नेपालको तरकारीमा भरपर्ने भारतीय बजार मानेभञ्याङले नेपालीलाई दैनिक उपभोग्य वस्तु आपूर्ति गर्ने गरेको छ ।
प्रतिक्रिया दिनुहोस !
