ललितपुर : प्रहरी प्रधान कार्यालय नक्सालबाट ललितपुरको फूलचोकीस्थित रिपिटर टावर हेर्न जाँदै गरेको प्रहरी टोली बोकेको भ्यान दुर्घटनामा परेको छ ।
महानगरीय प्रहरी परिसर जाउलाखेलका अनुसार उक्त भ्यान सोमबार मध्याह्न दुर्घटनामा परेको हो । ढुङ्गामा चिप्लिएर करीब पाँच मिटर तल झरेको भ्यानमा एक असई, दुई हवल्दार र एक जवान सवार थिए । सवारमध्ये असई घाइते छन् ।
परिसरका प्रमुख टेकप्रसाद राईका अनुसार भ्यान तल खसे पनि घाइतेको अवस्था सामान्य छ । ‘एकजना असईको दाहिने कुइनामा चोट लागेको छ । गोदावरीस्थित नेपाल आर्मीको टोलीले उनीहरुको प्राथमिक उपचार गरिसकेको छ,’ उनले भने ।
चिप्लिएर तल खसेको भ्यास क्रेनले तानेर माथि ल्याइँदैछ । घटनास्थल बाँडेगाउँ प्रहरी कार्यालयबाट १४ किलोमिटर पूर्वीदक्षिण क्षेत्रमा पर्छ ।
प्रतिक्रिया दिनुहोस !
