आर्थिक वर्षभित्रै प्रदेश १ का सबै क्षेत्रमा बिजुली : मुख्यमन्त्री राई
कात्तिक ४, २०७६ सोमबार १६:५४:०
भोजपुर : प्रदेश १ का मुख्यमन्त्री शेरधन राईले आगामी वर्षभित्र प्रदेश १ का सबै क्षेत्रमा विद्युत विस्तार भइसक्ने बताएका छन् । सोमबार भोजपुर च्याङ्ग्रेली सद्भाव सेवा समाज च्याङ्ग्रे र पौवादुङ्मा गाउँपालिकाको प्रायोजनमा आयोजित खुला पुरुष तथा महिला फुटबल प्रतियोगीताको उद्घाटन गर्न भोजपुर पुगेका मुख्यमन्त्री राई आउँदो आर्थिक वर्षभित्र सबै गाउँटोलमा विद्युत पुर्याइने प्रतिबद्धता जनाएका थिए।
पर्याप्त जलश्रोतको धनी प्रदेश १ लाई अँध्यारोमुक्त बनाउन प्रदेश सरकारले योजना अघि बढाएको उनले बताए । भने, ,'प्रदेश १ असंख्य नदीनालाले सम्पन्न भएकोले त्यही जलश्रोतको परिचालन गरी आगामी वर्षभित्र हरेक गाउँघर, टोलटोल विद्युतीकरण पुर्याइनेछ । यो प्रदेश १ सरकारको प्रतिबद्धता हो ।'
प्रतिक्रिया दिनुहोस !
