प्युठान : गाडीको ठक्करबाट एक बालिकाको मृत्यु भएको छ। जिल्लाको झिमरूक गाउँपालिका-४ बाङगे अंगाराकी ९ वर्षिया बालिका सिर्जना रोकाको गाडीले ठक्करबाट मृत्यु भएको हो।
ना ४ ख ७९०९ नम्बरको गाडीले बालिकालाई ठक्कर दिएर गम्भीर घाइते बनाएपछि उनलाई उपचारको लागि बुटवल लैजाँदै गर्दा बाटोमा मृत्यु भएको जिल्ला प्रहरी कार्यालय प्युठानका सूचना अधिकारी प्रहरी निरिक्षक लोकेन्द्र जिसीले जानकारी दिए।
बालिकाको शवलाई जिल्ला अस्पताल बिजुवार प्यूठानको शव गृहमा राखिएको छ। गाडी र चालकलाई पनि नियन्त्रणमा लिएर जिल्ला प्रहरी कार्यालय प्यूठानमा राखिएको प्रहरी निरिक्षक जिसीले जानकारी दिए। घटनाको अनुसन्धान भइरहेको प्रहरीले जानकारी दिएको छ।
प्रतिक्रिया दिनुहोस !
