राजविराज : सप्तरीमा पुनः अर्को लोपउन्मुख प्रजातिको अजिङ्गर फेला परेको छ। हनुमाननगर कंकालिनी नगरपालिका(१२स्थित कोशी बाँधमा मङ्गलबार राति १५ किलो तौलको अजिङ्गर फेला परेको इलाका प्रहरी कार्यालय हनुमाननगरले जानकारी दियो।
स्थानीयले कोशी बाँधमा अजिङ्गर देखेको खबर गरेपछि इलाका प्रहरी कार्यालय हनुमाननगरको टोलीले अजिङ्गर नियन्त्रणमा लिई इलाका प्रहरी कार्यालय हनुमाननगरमा ल्याएर राखेको छ। यसअघि गत शनिबार तिलाठी कोइलाडी गाउँपालिका(१ तिलाठीस्थित खाँडो खोलामा करिब सात फिट लम्बाई भएको १२ किलो तौलको अजिङ्गर फेला परेको थियो।
फेला परेको अजिंगर डिभिजन वन कार्यालय सप्तरीको जिम्मा लगाइने र वन कार्यालयले कोशी टपु वन्य जन्तु आरक्षको जिम्मा लगाउने जिल्ला प्रहरी कार्यालय सप्तरीका डीएसपी तिलक भारतीले बताए।
प्रतिक्रिया दिनुहोस !
