उदयपुरः उदयपुरको त्रियुगा नगरपालिका ३ मा बुधबार विद्युत सर्ट भई आगलागी हुँदा दुई घर र एक चर्च भवन नष्ट भएका छन्।
बसपार्क नजिकको सगरमाथा टोल विकासका दानबहादुर परियार, मनकुमारी राईको घरमा आगलागी हुँदा ७ लाख बराबरको क्षति भएको छ। जिल्ला प्रहरी कार्यालयका एसपी वीरबहादुर बुढामगरका अनुसार दानबहादुरको घरबाट सुरु भएको आगो मनकुमारीको घर हुँदै चर्चमा पुगेको थियो।
बाँसको टाटी र टिनको छानो रहेको दुई घर र सोही किसिमले बनेको चर्च भवनमा आगजनी हुँदा घरभित्र रहेका लत्ताकपडा, भाँडावर्तन, अन्नपात जलेर पूर्णरुपमा क्षती भएको छ भने चर्चभित्रको सामान पूरै जलेका छन्।
आगो झण्डै एक घण्टापछि नेपाल प्रहरी, सशस्त्र प्रहरी, स्थानीय र त्रियुगा नगरपालिकाको दमकलले नियन्त्रणमा लिएको थियो।
प्रतिक्रिया दिनुहोस !
