अनुदान दुरूपयोग छलफल बैठकमा पत्रकारलाई प्रवेश निषेध

बुटवल : प्रदेश ५ को प्रदेश सभामा गठित कृषि, वन तथा वातावरण समितिको बैठकमा पत्रकारलाई प्रवेश रोकिएको छ। कृषि अनुदानको दुरूपयोग विषयमा छलफलका लागि भूमिव्यवस्था कृषि तथा सहकारीमन्त्री आरती पौडेललाई समितिको बैठकमा बोलाइएको छ ।

बैठकको समाचार संकलनका लागि पुगेका पत्रकारलाई समितिका सभापति विजयबहादुर यादवले पछि बोलाउने भन्दै बाहिर जान आग्रह गरे ।  प्रदेशको भूमि व्यवस्था, कृषि तथा सहकारी मन्त्रालयद्वारा किसानलाई वितरण गरेको अनुदान रकम तथा कृषि यन्त्र दुरुपयोग भएको विषयमा छलफल गर्न समितिले आइतबार भूमि व्यवस्था, कृषि तथा सहकारीमन्त्री आरति पौडेल र मन्त्रालयका सचिवलाई बोलाएको थियो। 

बैठकमा प्रवेश नपाएपछि पत्रकार हल बाहिर बसिरहेका छन्।