विद्यालयबाट फर्किंदै गर्दा भीरबाट लडेर शिक्षिकाको मृत्यु
कात्तिक २४, २०७६ आइतबार १६:५८:०
जाजरकोट : जाजरकोटमा भीरबाट लडेर एक शिक्षिकाको मृत्यु भएको छ । बारेकोट गाउँपालिका २ लिम्सास्थित वीरेन्द्र ऐश्वर्य माविकी शिक्षिका २८ वर्षीया भगवती शाहीको भीरबाट लडेर मृत्यु भएको हो ।
बारेकोट ३ बुढागाउँ निवासी शाही विद्यालयबाट फर्कने क्रममा घर नजिकैको भीरबाट लडेर गम्भीर घाइते भएकी थिइन्। टाउकोमा गम्भीर चोट लागेकी उनलाई उपचारका लागि स्वास्थ्य संस्था लैजाँदै गर्दा आइतबार बाटोमै मृत्यु भएको गाउँपालिका अध्यक्ष महेन्द्र शाहले बताए ।
प्रतिक्रिया दिनुहोस !
