५० वर्षे बावु, जो आफ्नै छोरीका प्रेमीसँग बिहे गरी जुम्ल्याहा बच्चा जन्माउँदैछन् !
लण्डन : बहिस्करणमा पर्दैआएको तेस्रोलिंगी तथा अन्य यौनिकता भएको समुदाय हकहितको लागि लड्दैआएको छ ।
अधिकांश मुलुकमा त 'सेम सेक्स म्यारिज' लाई कानूनी मान्यता पनि दिइएको छैन ।बेलायतमा भने एउटा यस्तो परिवार छ, जसले बाँकी संसारलाई नै चकित पारिदिएको छ । बेलायती 'गे' बावु, जसले आफ्नो पतिसँग ३२ वर्षे सम्बन्ध विच्छेद गर्दे आफ्नै छोरीका पूर्वप्रेमीसँग सम्बन्ध गाँस्दै छन् ।
यतिसम्म कि, उनी ती नयाँ 'पार्टनर'सँग जुम्ल्याहा बच्चा जन्माउने तयारीमा छन् ।५० वर्षीय बेरी ड्रेविट बर्लो २५ वर्षीय स्कट हचिसनसँग गहिरो प्रेममा छन् । साथै बेरी आफ्ना पूर्वपति र नयाँ जोडी स्कटसँगै अमेरिकामा एक विलाशी निवासमा बस्न थालेका छन् ।
बेरी र उनका पूर्वपति ५५ वर्षीय टोनी बेलायतमा औपचारिक रुपमा अभिभावकको परिचयपत्र पाउने पहिलो 'सेमसेक्स' जोडी थियो । उनीहरु कानूनी रुपमै १९९९ मा अभिभावक बनेका थिए । तर बेरी र २५ वर्षीय स्कटको प्रेम परेसँगै उनीहरु जोडीको रुपमा छैनन् । स्कट भने बेरीकी १९ वर्षीया छोरी स्याफ्रुनका पूर्वप्रेमी हुन् ।
रोचक त, बेरी र स्कट मिलेर परिवार बढाउने योजना बनाउँदै छन् ।डेलीमेलका अनुसार उनीहरु यतिबेला जुम्ल्याहा छोरी जन्माउन पहल गरिरहेका छन् । तर उनीहरुको सन्तान 'सरोगेसी' विधिबाट हुनेछ ।
बेरी भन्छन्, 'मैले सन्तान जन्माउने कुनै योजना बनाएको थिइनँ, तर स्कट सधैँ आफ्नै बच्चा होस् भन्ने चाहन्थ्यो । यदी उसले हामी अभिभावक बनौँ भन्ने चाहन्छ भने म उसलाई सहयोग गर्छु र उसँगै बच्चा जन्माउँछु ।'
बेरी, उनका पूर्वपति टोनी र नयाँ पार्टनर स्कट अमेरिकामा एकै छानामुनी बस्दैछन् ।तै पनि बेरी र टोनी सम्बन्ध विच्छेदको तयारीमा छन् । यससँगै टोनी आफ्ना सन्तानको 'गड फादर' बन्न चाहन्छन् ।
आफूहरुको सम्बन्ध र परिवारमा कुनै गोपनीयता र नकारात्मक भावना नहोस् भन्ने चाहेको बताउँछन् बेरी । 'अँ, यो अपरम्परागत तरिका हो । तर हामी हाम्रो परिवारलाई माया गर्छौँ र हाम्रो प्राथमिकता भनेको हाम्रा केटाकेटीका लागि स्थायी घर बनोस् भन्ने हो । जुन् अहिले विस्तार पनि हुँदैछ,' बेरीले भने । बेरीले थपे, 'यदी मानिसहरुले अचम्म ठाने भने ठीकै छ, त्यो उनीहरुकै समस्या हो ।'
गत साता मात्रै बेरीले आफ्ना नयाँ पार्टनर स्कटसँग 'डेट' गरे । र उनीहरुले आफ्नो सम्बन्ध सार्वजनिक गर्दै अब विवाह गर्नेबारे बताइसकेका छन् ।उनीहरु आफ्नो जस्तो अपरम्परागत सम्बन्ध कसैको नरहेको दावी गर्छन् । तै पनि आफूहरु सामुहिक रुपमा जीउन चाहने बताउँछन् । जसलाई अन्तर्राष्ट्रिय मिडिया २१औं शताब्दिको सम्बन्ध र यथार्थमा आधुनिक जीवनशैली भन्दै व्याख्या गरेका छन् ।