विराटनगर : निजी तथा आवासीय विद्यालय अर्गनाइजेसन नेपाल (प्याब्सन) विराटनगरको आयोजनामा प्याब्सन विराट कप फुटबल टुर्नामेन्ट हुने भएको छ । प्याब्सन नगर कमिटिले अगामी मंसिर १ गते देखि पुस १ गते सम्म आयोजना हुने फुटबल टुर्नामेन्टमा ४० वटा टिमको सहभागिता रहने छ ।
प्याब्सन आवद्ध विद्यालयको सहभागिता रहने सो फुटबल टुर्नामेन्टमा विराटनगर महानगरपालिका, बुढीगंगा र ग्रामथानको प्याब्सन आवद्ध विद्यालयका कक्षा १० सम्मका विद्यार्थीहरु सहभागी हुने प्याप्सन विराट कपका संयोजक नन्दलाल मण्डलले जानकारी दिए ।
नकआउटको आधारमा आयोजना हुने सो टुर्नामेन्ट बिजेता टिमलाई सुन, चाँदी, र पतिल बाट बनेको विशेष आर्कषक कप प्रदान गरिने प्याप्सनका नगर अध्यक्ष ईन्द्रकुमार राईले जानकारी दिए ।
करिब २ लाख ४० हजार खर्चमा आयोजना हुने सो टुर्नामेन्टमा ४० विद्यालयका करिब ६सय ४० जना खेलाडीको सहभागिता रहने प्याब्जनले जनाएको छ ।
प्रतिक्रिया दिनुहोस !
