भोजपुर : श्रीमतिलाई खुकुरी प्रहार गरि गम्भीर घाइते बनाएको अभियोगमा श्रीमान पक्राउ परेका छन् । षडानन्द नगरपालिका १ नेपालेडाँडाका ४१ वर्षीय हरिबहादुर भुजेलले ३९ वर्षीया शारदा भुजेललाई खुकुरी प्रहार गरी गम्भीर घाइते बनाएको अभियोगमा प्रहरीले नियन्त्रणमा लिएको हो।
गत बिहीबार घरायसी विवादमा भुजेलले श्रीमतिमाथि खुकुरी प्रहार गरेको प्रहरीको भनाई छ। खुकुरी प्रहारबाट घाइते भएकी शारदाको स्थानीय मेडिकलमा उपचार हुन नसकेपछि थप उपचारका लागि संखुवासभा रिफर गरिएको जिल्ला प्रहरी कार्यालय भोजपुरले जनाएको छ।
प्रतिक्रिया दिनुहोस !
