कैलाली : कैलाली सिद्धनाथ सामुदायिक वन उपभोक्ता समितिका पदाधिकारी एक लाख ६० हजार घुससहित पक्राउ परेका छन् ।
अख्तियार दुरुपयोग अनुसन्धान आयोगले धनगढी उपमहानगरपालिका-१२ मा अवस्थित उक्त सामुदायिक वन उपभोक्ता समितिका अध्यक्ष कुवेर थापा र कोषाध्यक्ष मोहनबहादुर सिंहलाई घुस लिँदालिँदै पक्राउ गरेको हो ।
उक्त सामुदायिक वन अन्तर्गत पर्ने कानिखोला पुल नजिकबाट सेवाग्राहीसँग माटो झिकेको विषयमा नियन्त्रणमा लिएको जेसिभी र ट्याक्टर छोड्न भनी सेवाग्राहीबाट उनीहरुले घुस लिएको अख्तियारका प्रवक्ता एवं सहसचिव प्रदीपकुमार कोइरालले जानकारी दिए ।
घुस लिएको अवस्थामा सिद्धनाथ सामुदायिक वन उपभोक्ता समूहको कार्यालयबाट उक्त रकमसहित दुबैजनालाई नियन्त्रणमा लिइ अनुसन्धान भइरहेको उनले बताए ।
प्रतिक्रिया दिनुहोस !
