मोटरसाइकल दुर्घटनामा भीमेश्वर नगरपालिकाका प्राविधिकको मृत्यु

दोलखा : भीमेश्वर नगरपालिका-१, सुष्पाक्षमावतीमा मोटरसाइकल दुर्घटना हुँदा एक जनाको मृत्यु भएको छ। शनिबार बिहान भीमेश्वर नगरपालिकाका सब-ओेभरसियर

२८ वर्षीय मदन थामीको मृत्यु भएको दोलखाका प्रहरी प्रवक्ता एवम् प्रहरी निरीक्षक रेशम बोहराले जानकारी दिए।

बिहान पौने १ बजे क्षमावतीबाट कुथलीतर्फ आउँदै गरेको प्रदेश नं.३ ०२-००३ प ७१३३ नम्बरको मोटरसाइकल अचानक सडकको भित्तामा ठोक्किएर दुर्घटना भएको प्रहरीले जनाएको छ। 

टाउकोमा गम्भीर चोट लागेको थामीको उपचारको क्रममा प्राथमिक स्वास्थ्य केन्द्र चरिकोटमा करिब २ बजे मृत्यु भएको  प्रहरी निरीक्षक बोहराले बताए। मृतकको शव प्राथमिक स्वास्थ्य केन्द्रको शव गृहमा राखिएको छ। घटनाबारे थप अनुसन्धान भइरहेको प्रहरीले जनाएको छ।