पर्यटक बस दुर्घटना : २१ चिनियाँसहित ३३ जना घाइते (अपडेट)
![पर्यटक बस दुर्घटना : २१ चिनियाँसहित ३३ जना घाइते (अपडेट)](https://annapurnapost.prixacdn.net/media/albums/Chitwan-district_20200117072806_bBiaLaU5BJ.jpg)
चितवन : चिनियाँ पर्यटक बोकेको बस दुर्घटना हुँदा ३३ जना घाइते भएका छन। शुक्रबार बिहान सवा ११ बजेतिर भरतपुर महानगरपालिका-१ रामनगरमा दुर्घटना हुँदा २१ जना चिनियाँ पर्यटक घाइते भएका हुन्। घरमा रहेका एक जना महिला घाइते भएको प्रहरीले जनाएको छ।
काठमाडौंबाट सौराहा आउँदै गरेको बा १ प ७८३ नम्बरको पर्यटक बस सोही दिशातर्फ गुडिरहेको लु २ ख ३३०५ नम्बरको ट्रकमा ठोक्किएको हो। ट्रकमा ठक्कर खाएपछि बस सडक छेउको घरमा ठोक्किन पुगेको थियो।
घाइतेमध्ये तीन जना अवस्था गम्भीर रहेको छ। ट्रकमा सवार दुई जना र घरमा रहेका एक जनाको अवस्था गम्भीर रहेको जिल्ला प्रहरी कार्यालय चितवनले जनाएको छ। उनीहरुको भरतपुर अस्पताल, चितवन मेडिकल कलेज र पुरानो मेडिकल कलेजमा उपचार भइरहेको छ। घाइतेमध्ये केहीको अवस्था गम्भीर रहेको प्रहरीले जनाएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)