डडेल्धुरा : डडेल्धुरा अमरगढी नगरपालिका ६ को भालुमारेमा आएको पहिरोका कारण दशरथचन्द राजमार्गमा अवरुद्ध भएको छ । आइतबार बिहान सडकमा पहिरोसँगै रुख ढलेपछि भालुमारेमा दशरथचन्द राजमार्गमा यातायात सेवा अवरुद्ध भएको हो ।
अवरुद्ध राजमार्ग खुलाउन अमरगढी नगरपालिकाको डोजर भालुमारेतर्फ पठाइएको जिल्ला प्रहरी कार्यालय डडेल्धुराका प्रमुख प्रहरी नायव उपरीक्षक दधिराम न्यौपानेले बताए ।
उनका अनुसार पहिरो र रुखका कारण सडक आंसिक रुपमा अवरुद्ध भएको छ । मोटरसाइकल, जिप, कारलगायतका साना सवारी साधन चलिरहेको भएपनि बस र ट्रकलगायतका ठूला सवारीसाधन रोकिएका छन् ।
लगातारको वर्षा र हिमपातपछिको पहिरोले ३ जिल्ला बैतडी, बझाङ र दार्चुलाबाट आउने तथा जाने सवारी सञ्चालनमा समस्या भएको प्रहरीले जनाएको छ।
प्रतिक्रिया दिनुहोस !
