नवलपुर : पूर्व पश्चिम राजमार्ग अन्तरगत पूर्वी नवलपरासीको गैंडाकोट नगरपालिकामा टिपरले ठक्कर दिँदा मोटरसाइकल चालकको मृत्यु भएको छ । अर्का एकजना घाइते छन् ।
मृत्यु हुनेमा रुपन्देही जिल्ला बुटवल उपमहानगरपालिका शितलननगरका ३६ वर्षीय भुवन केसी रहेको जिल्ला प्रहरी कार्यालय नवलपुरका प्रवक्ता डिएसपी मोहन बहादुर खाँणले जानकारी दिए ।
पश्चिमबाट पूर्वतर्फ जाँदै गरेको ना १ क ८३३० नम्बरको टिपरले विपरीत दिशाबाट आउँदै गरेको बा ६७ प ८७८२ नम्बरको मोटरसाइकललाई शनिबार राती ठक्कर दिएको थियो । मोटरसाइकल चालक केसी घाइते भएका थिए । घाइतेको जिल्ला अस्पताल चितवनमा उपचारका क्रममा मृत्यु भएको प्रहरीले जनाएको छ ।
टिपरको ठक्करबाट मोटरसाइकल पछाडि सवार गैंडाकोट नगरपालिका–५ का शशीकपुर केसी घाइते छन् । उनको नयाँ मेडिकल कलेजमा उपचार भइरहेको छ । ठक्कर दिने टिपर र चालक प्रहरी नियन्त्रणमा छन् ।
प्रतिक्रिया दिनुहोस !
