राजविराज : प्रदेश १ सचिवालयको जीप सप्तरीको शम्भुनाथमा बुधबार बिहान दुर्घटना भएको छ। परिवारसहित प्रदेश सचिवालयका उपसचिव (प्रवक्ता) दिपक घिमिरे चढेको प्रदेश १–०२–००१ झ ०७१६ नम्बरको जीप दुर्घटनामा परेको सप्तरी प्रहरीले जनाएको छ।
दुर्घटनामा उपसचिव दिपक र उनका छोरा ११ वर्षीय दिघार्यु घिमिरे घाइते भएका छन्। विराटनगरबाट काठमाडौंतर्फ गइरहेको जीप शम्भुनाथमा दुर्घटना हुँदा आफू र छोरा घाइते भएको घिमिरेले बताए। श्रीमति र छोरी सकुशल रहेका छन्। शम्भुनाथस्थित क्लिनिकमै प्राथमिक उपचारपछि घिमिरे विराटनगर नै फर्किएका छन्।
शम्भुनाथ ट्राफिक प्रहरी कार्यालय अगाडि चेक प्वाइन्ट नजिकै तीव्र गतिमा गुडिरहेको प्रदेश सचिवालयको जीप ना.६ ख २१७२ नम्बरको ट्रकको पछाडि ठोक्किएको हो।
प्रतिक्रिया दिनुहोस !
