सन्धिखर्क: अर्घाखाँचीको शितगंगा नगरपालिकामा आफ्नै ९ वर्षीय छोरीलाई जबरजस्ती गर्ने बावुलाई जिल्ला अदालत अर्घाखाँचीले जन्म कैदको फैसला सुनाएको छ ।
अर्घाखाँची जिल्ला शितगंगा नगरपालीका ४ का एक व्यक्तिले आफ्नै ९ वर्षीय छोरीलाई जबरजस्ती करणी तथा हाडनाता करुणी गरेको अभियोगमा ती व्यक्तिलाई जिल्ला न्यायाधीश बासुदेव न्यौपानेको इजलासले जन्म कैदको फैसला गरेको निमित्त श्रेस्तेदार नारायण बहादुर भट्टराईले जानकारी दिए ।
निजले गएको साउन २ गते छोरीलाई जबरजस्ती करणी गरेपछि उनी विरुद्ध मुद्धा दर्ता भएको थियो ।त्यस्तै सन्धिखर्कको डिभर्नामा ५ वर्षीय नातिनीलाई बलात्कार गर्ने हजुरबुवालाई २० वर्ष कैद र ४० हजार जरिवानाको फैसला जिल्ला अदालतले गरेको छ।
प्रतिक्रिया दिनुहोस !
