मुगु : घाम ताप्दै गर्दा बसेको स्थानबाट लडेर एक शिक्षकको मृत्यु भएको छ।खत्याड गाउँपालिका ३ बुगा गाउँमा रहेको कालिका माध्यामिक विद्यालयमा कार्यरत बाँके नेपालजंग उप-महानगरपालिका ४ गणेशपुरका २७ वर्षीय जयबहादुर शाहीको लडेर मृत्यु भएको प्रहरीले जनाएको छ।
जिल्ला प्रहरी कार्यालयका अनुसार शनिबार गाउँ नजिक रहेको धारामा नुहाइ धुवाइ गरी पाखामा घाम तापी रहेका बेला एक्कासी बसेकै स्थानबाट लडेका थिए । घाम तापेको पाखाबाट लडेर २ सय मिटर तल पुगेका शाहीको टाउको र छातीमा चोट लागेको थियो। घाइते शाहीलाई उपचारका लागि स्थानीय प्राथमिक स्वास्थ्य केन्द्रमा पुर्याए पनि राती ११ बजे मृत्यु भएको हो।
स्वास्थ्य केन्द्रमा चिकित्क नहुँदा पचार नपाएर मृत्यु भएको उनका आफन्तले बताएका छन्।स्वास्थ्य केन्द्रमा चिकित्सक नभएपछि पोष्टमार्टमका लागि नेपालगन्ज लैजाने तयारी भइरहेको उनका आफन्तले जनाएका छन्।
प्रतिक्रिया दिनुहोस !
