धनगढी : कैलालीको गौरीगंगा नगरपालिका–६ बनभेहडास्थित पूर्वपश्चिम राजमार्गमा टिपरले ठक्कर दिएर मोटरसाइकल चालकको मृत्यु भएको छ ।
टिपरको ठक्करबाट घोडाघोडी नगरपालिका–४ रामशिखरझाला बस्ने २८ वर्षीय भुवन चन्दको मृत्यु भएको प्रहरीले जनाएको छ । दाङ गडुवा गाउँपालिका–७ बस्ने ३० वर्षीय बिष्णु चौधरीले चलाएको ना १ क ८८०३ नम्बरको टिपर र विपरीत दिशाबाट आइरहेको से ७ प ३९०७ नम्बरको मोटरसाइकल ठोक्किँदा चन्दको मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले बताए ।
गम्भिर घाइते भएका चन्दलाई उपचारको लागि सेती प्रादेशिक अस्पताल धनगढी ल्याइएकोमा उपचारका क्रममा उनको मृत्यु भएको हो । टिपर र टिपर चालकलाई प्रहरीले नियन्त्रणमा लिएको छ ।
प्रतिक्रिया दिनुहोस !
