ताप्लेजुङ : ताप्लेजुङको फक्ताङलुङ गाउँपालिका–२ खेजेनिमका नागेश्वर लिम्बु मृत भेटिएका छन् । गत पौष माघ २२ गतेबाट बेपत्ता ५५ वर्षीय लिम्बुलाई स्थानीय देविथान भिरको फेदमा स्थानीयले शनिबार मृत फेला पारेका हुन् ।
घरबाट २ घण्टा पैदल टाढा पर्ने भीरको फेदमा शव क्षतविक्षत अवस्थामा भेटेपछि स्थानीयले प्रहरीलाई खबर गरेका थिए ।
शवको अवस्था हेर्दा भीरबाट लडेर मृत्यु भएको हुनसक्ने जिल्ला प्रहरी कार्यालय ताप्लेजुङका प्रहरी निरीक्षक विष्णु खड्काले बताए । शव पोष्ट मार्टमका लागि जिल्ला अस्पताल ल्याइएको छ ।
प्रतिक्रिया दिनुहोस !
