ललितपुर : ललितपुरको गोदावरी नगरपालिका-५ मा रहेको शुकराम मिजारको घरमा बम भेटिएको छ । घरको माथि स्लाब निस्किएको ठाउँमा ग्रिनेड देखेपछि गाउँलेले प्रहरीलाई जानकारी गराएको महानगरीय प्रहरी वृत्त चापागाउँका डीसपी कृष्णराज ओझाले जानकारी दिए।
अहिले सेनाको डिस्पोजल टोलीले बम डिस्पोज गर्ने तयारी गरिरहेको डीएसपी ओझाले बताए। बम किन र कसले राख्यो भन्ने अनुसन्धान भइरहेको ओझाले जानकारी दिए।
बम शक्तिशाली देखिएको उनले जनाए । ओझाका अनुसार मिजारको परिवार घरैमा भएपनि बम राखेको उनीहरुलाई जानकारी थिएन । घटनास्थलमा कुनै पर्चा नभेटीको उनले बताए ।
प्रतिक्रिया दिनुहोस !
