जोमसोम : उत्तर-दक्षिण जोड्ने राष्ट्रिय गौरवको बेनी-जोमसोम-कोरला सडक आयोजनाका लागि लगाइएको पट्यारिलो टाइम कार्डले मुस्ताङ आउजाउ गर्ने पर्यटक मर्कामा परेका छन् ।शर्मा गजुरमुखि जेभीले म्याग्दीको तातोपानीदेखि मुस्ताङको लेते खण्ड र शर्मा युनाइटेडले म्याग्दीको घुमाउने तालदेखि बेग खोलासम्म दैनिक १० घण्टा सवारी रोकेर काम अघि बढाएको हो ।
बेनी-जोमसोम ७६ किमी सडकखण्डमा ४ प्याकेज छन् । जसमध्ये २ वटा प्याकेज शर्मा गजुरमुखिले म्याग्दीको तातोपानी देखि मुस्ताङको कोवाङसम्म, शर्मा युनाइटेडले म्याग्दी पहिलो प्याकेज राहुघाटदेखि तातोपानी खण्ड र सप्तकोशी जलाधार कन्ट्रक्सनले मुस्ताङको कोवाङदेखि जोमसोमसम्मको कामको जिम्मा लिएको हो ।
निर्माण कम्पनीले उक्त प्याकेजमा घासा रककटिङ ,वाल ,माटो फिलिङ र नाली निर्माण गरिरहेको इन्जिनियर अश्विनीकुमार यादवले बताए । हिउँद लागेसँगै निर्माण कम्पनीले ३ महिना अघिबाट दिनको २ पटक ८ घण्टा सडक बन्द गर्दै आएका हुन् ।
यस्तै, धवलागिरीका ४ स्थानीय प्रशासनको संयुक्त बैठकले म्याग्दीमा थप टाइमकार्ड लागू गरेको हो ।धार्मिक तथा पर्यटकीय जिल्लामा लगाइएको सडक टाइम कार्डले म्याग्दीहुँदै मुस्ताङ जाने पर्यटक यात्रा प्रभावित भएको हो । 
टाइम कार्डले पोखरा -काठमान्डौदेखि छुट्ने लामो दुरीका सवारी साधन तोकिएको समयमा पुग्न नसक्ने अवस्था सृजना भएको हो। मोरङका प्रल्लादकुमार चौहानसहित उनीसँग आएका सहकारीको टोली मुस्ताङको घासामा ४ घण्टा टाइमकार्डले रोकिन पुगे । छिटो गएर छिटै फर्कने उद्देश्यले मुक्तिनाथ गएका उनीहरुको यात्रा थप १ दिन लम्बिने भयो ।
चौहानले भने, 'विकासका लागि टाइम कार्ड लगाइ पनि यात्रुहरुको सुविधालाई पनि ध्यान दिनुपर्ने हो । ४ घण्टा बन्द बढी हो ।भएको र यसलाई यसले मुस्ताङको पर्यटनलाई असर पार्दछ ।'
यात्रुको सुविधालाई ध्यानमा राखेर टाइम कार्ड समायोजन गरियोस् भन्ने आफ्नो भनाइ रहेको उनले बताए।म्याग्दी र मुस्ताङ खण्डमा एकै समयमा १० घण्टा टाइम कार्डले बीचको ४ घण्टाको दुरी पार गर्न मुस्किल पर्ने सवारी चालक रञ्जित मगरले जानकारी दिए । उनले टाइमकार्ड छल्न यात्रुलाई भोकभाकै राखेर कुदाउनुपर्ने अवस्था छ।
कालिगण्डकी करिडोरको बेनी-जोमसोम सडकखण्ड २०७४ सालदेखि सुरु भएको हो ।सडकको गत मंसिरमा म्याद सकिएको छ । हाल सडकको ५० प्रतिशत काम भएको छ ।
प्रतिक्रिया दिनुहोस !
