आईबीएम टेक कम्पनीले अन्य चार कम्पनीसँग मिलेर प्रोटोटाइप सुटकेस बनाएको छ । यो सुटकेस एक कृत्रिम खुफिया प्रविधमा आधारित सुटकेस हो । उक्त सुटकेसले दृष्टिविहीनलाई मार्गदर्शन गर्ने दाबी कम्पनीले गरेको छ ।
साथै कम्पनीले स्मार्ट सुटकेस बनाउनका लागि अल्पाइन, मिस्तुबिशी, ओमरोन र शीमिजु जस्ता कम्पनीसँग साझेदारी गरेका छन् । यसको पछाडी आईबीएमको आइको असाकावाको मूर्ति पनि थियो, जो आफैँ दृष्टिबिहीन हुन् । यस सुटकेसले दृष्टिविहीनलाई बाटो देखाउने तथा यसमा रहेको क्यामरा र सेन्सरले बाटोमा आउने अवरोधको बारेमा सचेत गर्दछ ।
एआई टेक्नोलोजीमा आधारित स्मार्ट सुटकेसले प्रयोगकर्ताको हालको स्थान र नक्शाा डाटा स्क्यान गरेर गन्तव्यमा पुग्न मद्धत गर्दछ । सुटकेसले बोलेर तथा यसको हेन्डलमा रहेको भाइब्रेसन दिँदै मार्गदर्शन गर्दछ । यसरी प्रयोगकर्ताले सजिलै बाटोमा रहेका पसल पत्ता लगाउन सक्छन् ।
नेक्स्ट वेब रिर्पाट अनुसार, यो सुटकेसले क्यामरा र डिस्ट्यान्स सेन्सरको मद्धतले समस्याहरूबारे पहिले नै प्रयोगकर्तालाई जानकारी दिने गर्छ । सन् २०५० मा दृष्टिविहीन मानिसको संख्या ११.५ करोडसम्म पुग्न सक्ने नेक्स्ट वेबले आफ्नो ग्लोबल हेल्थ स्टडी रिर्पोटमा उल्लेख गरेको छ ।
असाकावाका अनुसार दुष्टिविहीनका लागि शहरमा स्वतन्त्रता र सुरक्षित यात्रा गाह्रो छ । तर यो सुटकेसले उनीहरूको समस्या अन्त्य गर्न मद्धत गर्दछ । यो सुटकेसमा अल्प अल्पाइनले हैप्टिक टेक्नोलोजी, ओमरोन कम्पनीले इमेज रिक्गनिशन र सेन्सर, शिमिजुले नेभीगेशन सिस्टम तथा ओटटेमोटिव टेक्नोलोजीलाई उपयोगी बनाउने काम मिस्तुबिशीले गर्दै आएका छन् ।
यो सुटकेसले सम्पूर्ण दृष्टिविहीनलाई आत्मनिर्भर बनाउने कम्पनीको विश्वास रहेको छ ।
प्रतिक्रिया दिनुहोस !
