विद्युत प्राधिकरण सिन्धुलीका प्रमुख इन्जिनियर विरुद्ध भ्रष्टाचार मुद्दा
फागुन २३, २०७६ शुक्रबार २०:५:०
काठमाडौँ : नेपाल विद्युत प्राधिकरण सिन्धुली वितरण केन्द्र बुद्धनगर सिन्धुलीका केन्द्र प्रमुख इन्जिनियर शेरबहादुर सुनारविरुद्ध घुस मुद्दा दायर भएको छ ।
कार्यालय भवनको तला थप गर्ने कार्य सम्पन्न पश्चात अन्तिम बिल भुक्तानीको क्रममा सेवाग्राहीसँग ७५ हजार घुस लिएका थिए । इन्जिनियर सुनारको निर्देशनमा घुस रकम सोही कार्यालयका हलुका सवारी चालक टेक बहादुर खडकाले दिएका थिए ।
अख्तियारले घुस लिएर भाग्दै गएका खड्कालाई पिछा गर्दै जाँदा कमलामाई नगरपालिका, वडा नं ७, गैरी चोक हुदैं पानी ट्याङ्की जाने बाटोबाट रंगेहात नियन्त्रणमा लिइएको थियो भने र इन्जिनियर सुनारलाई निजकै कार्यालयबाट नियन्त्रणमा लिइएको थियो । उनीविरुद्ध भ्रष्टाचार निवारण ऐन बमोजिमको सजायको मागसहित विशेष अदालत, काठमाडौंमा आरोप९पत्र दायर गरीएको छ ।
प्रतिक्रिया दिनुहोस !
