सिरहा : प्रहरीले चेकजाँचको क्रममा एक जनालाई कटुवा पेस्तोलसहित पक्राउ गरेको छ। पक्राउ पर्नेमा सिरहा नगरपालिका-२१ मल्हनियाँका २२ वर्षीय प्रदिप कुमार साह रहेको प्रहरीले जनाएको छ।
उनलाई प्रहरीले लगडीगोठबाट कटुवा पेस्तोल र एक थान गोलीसहित पक्राउ पक्राउ गरेको छ। सिरहा प्रहरी प्रमुख एसपी उमाप्रसाद चतुर्वेदीका अनुसार शंकाको आधारमा चेकजाँच गर्दा हतियारसहित साह पक्राउ परेका हुन्। उनीमाथि थप अनुसन्धान भइरहेको उनले जानकारी गराए।
यसैगरी प्रहरीले होली मनाउने क्रममा ट्राफिक नियम उल्लघंन गरेका २ सय ७४ वटा मोटरसाइकललाई नियन्त्रणमा लिएका छन्। मादक पदार्थ सेवन गरी झैझगडा गर्ने ६ जनालाई नियन्त्रणमा लिएको एसपी चतुर्वेदीले जानकारी दिए।
प्रतिक्रिया दिनुहोस !
