नवलपुर : पूर्वी नवलपरासीका छुट्टाछुट्टै स्थानमा भएका सवारी दुर्घटनामा दुईजनाको मृत्यु भएको छ । चारजना घाइते भएका छन् । गैंडाकोटबाट बुलिङटारतर्फ जाँदै गरेको बलेरो जीप सडकबाट १ सय मिटर तल खस्दा दाङका ५३ वर्षीया चन्द्र सुवेदीको मृत्यु भएको प्रहरीले जनाएको छ ।
उनको उपचारका क्रममा नयाँ मेडिकल कलेज भरतपुरमा बुधबार मृत्यु भएको हो । पहाडी क्षेत्रमा पर्ने बुलिङटार गाउँपालिका १ तरङखोलामा दुर्घटना भएको हो । दुर्घटनामा घाइते भएका चारजनाको अवस्था सामान्य रहेको प्रहरीले जनाएको छ ।
त्यसैगरी पूर्वबाट पश्चिमतर्फ जाँदै गरेको बलेरो जीपले बुधबार गैंडाकोटमा ठक्कर दिँदा पैदल यात्री ३५ वर्षीय ज्ञानबहादुर कुँवरको मृत्यु भएको जिल्ला प्रहरी कार्यालय नवलपुर प्रहरीले जनाएको छ । मृतक गोर्खा पालुङटार नगरपालिका १० का हुन्।
प्रतिक्रिया दिनुहोस !
