कोरोना भाइरस संक्रमित युवतीसँगै जहाजमा आएका ५ जना सेल्फ क्वारेन्टाइनमा

झापा : गत चैत्र ४ गते फ्रान्सबाट कतारहुँदै नेपाल आएकी कोरोना भाइरस (कोभिड-१९) पोजिटिभ देखिएकी किशोरीसँगै  विमानमा झापाका ५ जना आएको पुष्टी भएको जिल्ला प्रहरी कार्यालय झापाले जनाएको छ । हाल ५ जना सेल्फ क्वारेन्टाइनमा बस्ने इच्छा गरेपछि उनीहरु घरमै परिवार र चिकित्सकको निगरानीमा बसेको जिल्ला प्रहरी कार्यालय झापाका प्रवक्ता महेन्द्र कुमार श्रेष्ठले जानकारी दिए । 

झापाका प्रमुख जिल्ला अधिकारी उदय बहादुर राना मगरले भने, 'अहिले ५ जनाकै अवस्था सामान्य रहेको छ ।' प्रजिअ रानाका अनुसार एउटै प्लेनमा भएकाले उहाँहरु आफै सजग रहनका लागि सेल्फ क्वारेन्टाइनमा बस्न मन गरेका हुन्।