ताप्लेजुङ : लक डाउनका कारण कञ्चनजंघा क्षेत्र घुम्न गएका ११ जना विदेशी पर्यटक रोकिएका छन् । दुईजना घुन्सामा र 9 जना त्यहाँभन्दा माथिल्लो क्षेत्रमा रोकिएका हुन् । दुई जर्मन पर्यटक र एक नेपाली गाइड घुन्सामा तीन दिनदेखि बसिरहेको कञ्चनजंघा संरक्षण क्षेत्र व्यवस्थापन परिषद् घुन्सा चेक पोष्टका कर्मचारी टासी तेञ्जिङ शेर्पाले बताए । उनीहरु आधार शिविर पुगेर फर्किएका हुन् ।
पाँचजना जापानिज, तीन जर्मन र एक फिलिपिनी नागरिक र गाइडको टोली भने घुन्साबाट चार दिनअघि आधार शिविर गएको शेर्पाको भनाइ छ । 'माथिको टोलीलाई पनि यहिँ ल्याएर राख्छौं,' शेर्पाले टोलिफोनमा भने, 'लकडाउन खुलेपछि पठाउँछौं ।'
प्रतिक्रिया दिनुहोस !
