वासिंटन : अमेरिकाको जोनेस्बोरो, अर्कान्सास लगायत ठाउँमा अत्याधिक हावाहुरीले जनजीवन अस्तव्यस्त बनाएको छ । ६ जना घाइते हुनुका साथै यहाँका घर तथा अन्य भौतिक संरचनामा ठूलो क्षति पुगेको छ ।
स्थानीय मेयर हेरोल्ड पेरिनले यसको पुष्टि गरेका हुन् । उनका अनुसार उद्धारकर्मीको टोली घटनास्थलमा खटिएको छ । समुद्री तुफानले गर्दा वाल भत्काएको तथा घरका झ्याल फुटाएको भिडिओ सामाजिक सञ्जालमा भाइरल बनेको छ ।
स्थानीय विमानस्थलमा खराब मौसमका कारण विमान समेत अवतरण गर्न नसेकर अन्यत्र मोडिएको छ । कोरोना भाइरसको महामारीका कारण स्थानीयलाई घरभित्रै बस्न अधिकारीहरुले आग्रह गरिरहँदा अर्को प्राकृतिक विपद आएको हो । अर्कान्सास, लोआ लगायत अन्य सहरमा पनि हावाहुरीले असर पुर्याएको छ ।
प्रतिक्रिया दिनुहोस !
