काठमाडौं : लोकसेवा आयोगले २०७७ वैशाख १ देखि सञ्चालन हुने लिखित र अन्तवार्ता लगायतका सबै कार्यक्रम स्थगित गरेको छ।
कोरोना भाइरसको कारण सिर्जना भएको विषम परिस्थितिलाई मध्यनजर गर्दै २०७६ को चैत मसान्तसम्म हुने लिखित र अन्तर्वार्ताका कार्यक्रम स्थगनको पूर्वसूचना अनुसार नै अर्को सूचना प्रकाशन नभएसम्म स्थगित भइसकेका छन्।
२०७६र७७ को वार्षिक कार्य तालिका अनुसारको चैतको अन्तिम बुधबार प्रकाशन गर्नुपर्ने रा.प्र. अनं द्वितिय श्रेणी प्राविधिक पदको परीक्षा पनि स्थगित भएको छ।
परिस्थिति सहज भएपछि स्थगन भएका कार्यक्रमको नयाँ कार्यतालिका सार्वजनिक गरिने आयोगका सूचना अधिकृत देवीप्रसाद सुवेदीले जानकारी दिए।
प्रतिक्रिया दिनुहोस !
