जाजरकोट : जाजरकोटमा लकडाउनको समयमा मादक पदार्थ सेवन गरी होहल्ला गर्दै हिँड्ने तीन जना युवा पक्राउ परेका छन् । लकडाउनको उलंघन गरी सार्वजनिक स्थल तोडफोड गर्ने लगायतका उत्श्रृखल कार्यमा संलग्न भेरी नगरपालिका ४ का २६ वर्षीय साजन विक, २५ वर्षीय नविन श्रेष्ठ र २४ वर्षीय लुकास विक्रम शाहलाई प्रक्राउ गरिएको जिल्ला प्रहरी प्रमुख डिएस्पी किशोरकुमार श्रेष्ठले बताए ।
बुधवार रातीको समयमा घर अगाडी राखिएका बाइक ढालिदिने, नगरपालिकाले बाटोमा राखेका डस्टबिन फाल्ने लगायतका कार्य गरेको सूचनाको आधारमा उनीहरूलाई पक्राउ गरिएको हो । पक्राउ परेका तीनै जनालाई जिल्ला प्रहरी कार्यालयका हिरासतमा राखिएको छ ।उनीहरूलाई आवश्यक कारवाहीको प्रक्रिया अघि बढाइएको डिएस्पी श्रेष्ठले बताए ।
प्रतिक्रिया दिनुहोस !
