युवासंघका उपाध्यक्षले दिए घरभाडा छुट

युवासंघका उपाध्यक्षले दिए घरभाडा छुट

परासी : उद्योग वाणिज्य संघ पश्चिम नवलपरासीका उद्योग उपाध्यक्ष नगेन्द्र अग्रहरीले घरभाडामा बस्दै आएका ९ जनालाई २ महिनाको घरभाडा छुट दिएका छन् । परासी सदरमुकाममा घर भएका उनले मासिक ९ हजारमा विभिन्न पसल व्यवसाय गर्ने व्यवसायी र संस्थालाई घर भाडा दिएका छन् । 

‘लकडाउनले पसल बन्द भएका कारण व्यवसायीलाई आर्थिक सहयोग पुग्ने भएकाले चैत र बैशाख महिनाको घरभाडा छुट दिएको हुँ ’, उनले भने । घरभाडा वापत मासिक ५० हजारका दरले दुई महिनाको १ लाख छुट दिएको उनले जानकारी दिए । 

रामग्राम नगरपालिकामा सञ्चालित आरती एग्रो इण्डष्ट्रिजका सञ्चालकसमेत रहेका अग्रहरीले सुनवल नगरपालिकाले स्थापना गरेको दैविक प्रकोप आकष्मिक कोषमा १ लाख २० हजार जम्मा गरेका छन् । लकडाउनले दैनिक मजदुरी गरेर खाने वर्ग मर्कामा परेकाले नगरपालिकाले वितरण गर्ने राहतमा सहयोग पुग्ने उद्देश्यले रकम उपलब्ध गराइएको उनले बताए । नगरपालिकाले स्थापना गरेको कोषमा अहिलेसम्म विभिन्न संघसंस्था र व्यक्तिबाट ४६ लाख राहत रकम संकलन भएको नगर प्रमुख भीमबहादुर थापाले जानकारी दिए ।

 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.